Þrír leikir voru spilaðir í fyrstu umferð Malarvinnslubikarsins í gær.
Á Norðfirði tóku heimamenn í liði BN á móti liði Þristar og sigruðu nokkuð örugglega með 3 mörkum geng engu. Dýnamó gjörsigraði ungt lið Vetrarbruna með 12 mörkum gegn 2 og það voru svo Hattarmenn sem unnu KR/Leikni B 5-2. Í kvöld eigast við 06.apríl og UMFB í lokaleik fyrstu umferðar.
<p>UÍA og Malrvinnslan hafa undirritað samning sín á milli um að Malarvinnslan styrki bikarkeppni UÍA í knattspyrnu eins og undarfarin sumur og ber keppnin því heitið Malarvinnslubikarinn 2007. Skráningarfrestur hefur verið framlengdur til 22. júní og fyrsta umferð verður leikin mánudaginn 25. júní.</p><p><br /></p>
<img src="/images/stories/uiamalarvinnslan3.jpg" /><br />Frá undirritun samninga: Einar Hróbjartur Jónsson og Ragnheiður Kristiansen.<br />
Tæplega þrjátíu fulltrúar frá tíu sambandsfélögum sátu sambandsþing UÍA sem haldið var á Fáskrúðsfirði seinasta miðvikudag.
59. sambandsþing UÍA,haldið á Hótel Bjargi, Fáskrúðsfirði 23. maí 2007
1. Setning
Jóhann setti þing og bauð þingfulltrúa velkomna. Hann stakk upp á Steinþóri Péturssyni sem þingforseta og Gunnari Gunnarssyni og Gísla Sigurðarsyni sem riturum. Kjörbréfi var ekki dreift en ákveðið að þingfulltrúar skrifuðu sig á blað sem gilti sem kjörbréf.
2. Skýrsla stjórnar
Steinþór tók við þingstjórn og gaf Jóhanni orðið til að kynna skýrslu stjórnar.
3. Ársreikningar
Arngrímur Viðar kynnti ársreikninga UÍA. Hann tók fram á milli ára hefði verið skipt um bókhaldsforrit. 2006 2005 Tap 309.518 1.560.998 Rekstrartekjur 5.620.534 6.217.897 Rekstrargjöld 5.852.772 7.664.089 Eignir 4.217.898 4.943.267 Skuldir 1.126.327 1.560.767
Ólafur Rafnsson, formaður ÍSÍ Ólafur sagði stærð UÍA gera sambandið að ákveðnum kyndilbera fyrri önnur héraðssambönd. Hann hvatti til aukinnar samvinnu við ýmsa aðila, jafnt sveitarfélög sem grasrótina sem sérsambönd, sem í vaxandi mæli hafa tekið að sér mótahald. Ólafur sagði tvö mikilvæg hagsmunamál íþróttahreyfingarinnar hafa náðst í gegn, ríkisstyrki til sérsambanda og ferðasjóð íþróttahreyfingarinnar. Næst sagðist hann vilja beita sér fyrir eflingu héraðssambandanna.
Björn B. Jónsson, formaður UMFÍ Björn stiklaði á stóru í starfi UMFÍ, sem verður 100 ára í ár og heldur Landsmót í Kópavogi. Sambandið er að reisa nýjarhöfuðsvöðvar. Björn minntist einnig á möguleika á styrkjum frá ESB, verkefnið Flott án fíknar, íþrótta- og tómstundabúðir á Vesturlandi. Hann bætti jafnframt við að sambúð UMFÍ og ÍSÍ hefði batnað.
6. Kjörbréfanefnd skilaði niðurstöðum.
Á þingið mættu 26 fulltrúar með atkvæðisrétt frá 10 félögum. UMF Leiknir: Steinn Jónasson, Bjarnheiður Pálsdóttir, Oddrún Pálsdóttir, Pálína Margeirsdóttir, Jónína Hemisdóttir, Elsa Elísdóttir, Magnús Ásgrímsson, Kjartan Reynisson, Hildur Einarsdóttir og Steinþór Pétursson. Neisti D.: Hlíf Herbjörnsdóttir UMF Einherji: Einar B. Kristbergsson, Bjarney G. Jónsdóttir. Höttur: Hulda Eðvaldsdóttir, Helgi Sigurðsson. Austri: Benedikt Jóhannsson Hestamannafélagið Blær: Vilberg Einarsson, Þórður Júlíusson, Theodór Haraldsson. UMF Valur: Dísa Mjöll Ásgeirsdóttir, Sigurbjörg Hjaltadóttir. UMF Borgfirðinga: Arngrímur Viðar Ásgeirsson UMF Þristur: Gunnar Gunnarsson, Hafþór Þórarinsson. UMF Súlan: Jóna Petra Magnúsdóttir Þróttur N.: Jóhann Tryggvason
7. Árgjald og fjárhagsáætlun
Tillaga um óbreytt árgjld, 250 krónur á félagsmann. Arngrímur Viðar kynnti fjárhagsáætlun.
8. Umræður Jóhann bætti við skýursluna. Samningur var gerður árið 2005 við KHB um búningamál, sem gekk ekki eftir, en hann sagðist reikna með að fleiri slíkir samningar yrðu gerðir í framtíðinni. Fjögur ný félög hafa sótt um aðild að UÍA. Dóra frá FRÍ spurði hvort ekki væri gert ráð fyrir fé í landsmót og hví UÍA hefði ekki sótt um að halda FRÍ mót í sumar. Jóhann sagði landsmótin vera sérverkefni utan áætlunar. Lægð sé í frjálsum íþróttum, eftir landsmótið 2001 hefðu lykileinstaklingar verið úrvinda auk þess sem stefnubreyting hefði orðið með nýrri stjórn um að jafna mun greina. Eins skorti virkara frjálsíþróttaráð. Helgi lýsti áhyggjum íþróttafélaga á landsbyggðinni vegna væntanlegrar grimmrar ásóknar félaga af höfuðborgarsvæðinu í ferðasjóð íþróttafélaga. Hann sagði takmarkaðan áhuga hafa verið á búningasamningum við KHB. Hann sagði verkefni frjálsíþróttadeildar Hattar, sem er fyrirmyndarfélag, hafa gengið vel. Í verkefnið vanti þó fjárhagslega gulrót. Arngrímur Viðar sagði uppsögn Viðars hjá ÍSÍ fyrir nkkurm árum hafa skaðað vinnu við fyrirmyndarfélög innan UÍA. Hann sagði skorta tengingu milli ÍSÍ og UMFÍ við UÍA með starfsmanni eystra, þrátt fyrir fögur fyrirheit. Ólafur sagðist gera ráð fyrri að félögin úr Reykjavík ættu eftir að sækja grimmt í ferðasjóðinn. Hann sagði æ fleiri verkefni hlaðast á fáa innan íþróttahreyfingarinnar. Hann benti á heimasíður sem tæki til miðlunar upplýsinga.
9. Afgreiðslur
Ársreikningar, árgjöld, fjárhagsáætlun og innganga fjögurra nýrra félaga var samþykkt samhljóða. Félögin eru: Kajakklubburinn Kaj, Hestamannafélagið Glófaxi, Vélíþróttaklúbburinn Start og Vélíþróttaklúbbur Fjarðabyggðar.
10. Ávörp gesta í matarhléi. Helga Steinunn frá ÍSÍ ræddi um ferðasjóð og fyrirmyndarfélög. Fulltrúar frá ÚSÚ kynntu unglingalandsmótið á Höfn.
11. Kosningar Engin framboð höfðu borist til að fylla þau skörð sem munu myndast í stjórn. Tillaga lögð fram um að fresta fundi að lokinni dagskrá og kjósa á framhaldsaðalfundi í haust. Kjörbréf gilda þá. Félögum verður þó heimilt að fylla þá upp í fulltrúakvóta sinn.
12. Önnur mal Viðar Sigurjónsson frá ÍSÍ, áminnti menn umað skila starfsskýrslum. Hann vitnaði í nýlega skýrslu Þórdísar Gísladótur þar sem meðal annars kemur fram að styrkir til íþróttahreyfingarinnar skila sér aftur til samfélagsins. Arngrímur Viðar lagði til að sumarhátíð UÍA yrði framvegis haldin seinni part ágúst og yrði þá uppskeruhátíð sumarsins. Ástæðan er mikið mótahald í júlí. Helgi hvatti menn til að halda mótið við bestu aðstæður á Vilhjálmsvelli. Tillaga um að stjórn skipuleggi sumarhátíð í lok ágúst var samþykkt samhljóða. Tillaga um að stjórn sitji til hausts og boði til framhaldsþings samþykkt samhljóða.
Þingi frestað.
Ólafi Rafnssyni og Birni B. Jónssyni varð tíðrætt um hina austfirsku fegurð. Ólafur sagði meðal annars að hann hefði sjaldan séð álíka fegurð úr ræðustól og úr salnum á Hótel Bjargi. Þetta varð Þórði Júlíussyni að yrkisefni. Fegurðin af fjöllum skín fannir klæða tinda. Fránar sjónir fagra sýn fjötrar hugann binda.
Í ræðu sinni hrósaði Ólafur einnig Jóhanni Tryggasyni, formanni UÍA, fyrir skemmtiatriði á formannafundum ÍSÍ í formi þar sem hann tæki fundina ævinlega saman í vísuformi. Jóhann sagði þó að hann vildi heldur að sín yrði minnst fyrir neikvæðni og gagnrýni. Þá orti Viðar Sigurjónsson. Má hann aldrei missa sig mætur karl á þingum, glettnar vísur gleðja mig frá góðum hagyrðingum.
Fulltrúar UMFÍ verða á Austurlandi á fimmtudag og föstudag til að ræða við forráðamenn ungmennafélaganna. Ætlunin er að kynna landsmót og unglingalandsmót ásamt því að ræða um nýtt verkefni sem nefnist Evrópa unga fólksins. Þarna er kjörið tækifæri til að kynna sér starf UMFÍ og kynna UMFÍ fyrir austfirsku íþróttalífi.
Dagskráin er sem hér segir:
Fimmtudagur 14.06.
kl. 13:00Egilsstaðir – Fundur með Huginn og Hetti
kl. 15:00Egilsstaðir – fundur með öðrum félögum (Einherji, Ásinn, UMFB, Þristur, S.E. og fleiri)
kl. 17:00Egilsstaðir – fundur með stjórn ÚÍA
Allir fundir fara fram í húsnæði Fræðlunets Austurlands við Vonarland
Föstudagur 15.06.
kl. 13:00Fáskrúðsfjörður – fundur með félögunum frá Djúpavogi, Breiðdalsvík, Stöðvarfirði og Fáskrúðsfirði auk skólastjórnenda og fl. frá grunnskólanum Fáskr.f. þar sem þremur nemendum verða veitt verðlaun fyrir þriðja sæti í samkeppni um bestu Flott án fíknar auglýsinguna.
kl. 15:30Reyðarfjörður – fundur með félögunum frá Eskifirði, Reyðarfirði og Norðfirði.
<p><font size="3" face="Times New Roman" color="#000000">Í kvöld var dregið í Malarvinnslubikarnum. Níu lið mæta til leiks og leikin verður einföld umferð. Leiktími er kl 20:00 í öllum umferðum og verða lið að koma sér saman um frestun sín á milli og láta skrifstofu UÍA vita.</font></p>
Eins og mörg undanfarin sumur stendur UÍA fyrir deildarkeppni í knattspyrnu karla.
<p>Stefnt er að því að mótið hefjist 18.júní og að því ljúki um miðjan ágúst mánuð. Tekið er við skráningum á <a href="/mailto:This email address is being protected from spambots. You need JavaScript enabled to view it.">This email address is being protected from spambots. You need JavaScript enabled to view it.</a>, mótsgjaldið að þessu sinni er 25.000.- kr á lið. </p><p>Keppnin er opin félögum innan aðildarsvæðis UÍA, frá Bakkafirði til Djúpavogs. Skráningarfrestur í keppnina er til 15. júní. Við skráningu skal hvert félag leggja fram: Nöfn tveggja dómara (aðal og vara) og fjögurra aðstoðarmanna sem dæma munu í bikarnum. UÍA hefur yfirumsjón með dómaramálum og greiðir laun aðaldómara. Dómarar skulu hafa lokið unglingadómaraprófi KSÍ og aðstoðardómarar náð 16 ára aldri og kunna góð skil á knattspyrnureglunum.<br />Einnig skal skila inn leikstað.</p><p>Frekari upplýsingar veitir Gísli Sigurðarson í síma 691-2205. </p><p><a href="/images/stories/Malarvinnslubikarinn%202006_skraningareydublad.doc"><img alt="icon" src="/mambots/editors/htmlarea3_xtd/popups/InsertFile/images/ext/doc_small.gif" align="bottom" border="0" /> Malarvinnslubikarinn 2006_skraningareydublad.doc</a></p><p><a href="/images/stories/Malarvinnslubikarinn%202006_skraningareydublad.pdf"><img alt="icon" src="/mambots/editors/htmlarea3_xtd/popups/InsertFile/images/ext/pdf_small.gif" align="bottom" border="0" /> Malarvinnslubikarinn 2006_skraningareydublad.pdf</a></p>
Meistaramót UÍA í frjálsum, innanhús, fer fram á Fásakruðsfirði þann 17.mars næstkomandi.
Mótið hefst klukkan 12:00 og er áætluð mótslok um klukkan 16:00. Tekið er við skráningum á This email address is being protected from spambots. You need JavaScript enabled to view it. en skráningargjöld eru 500 krónur fyrir 10 ára og yngri, óháð fjölda greina, og 500 krónur á grein fyrir 11 ára og eldri. Mótið er í umsjá Leiknis, en þeir hafa haldið mótið með miklum sóma síðustu ár.