Fundur í sundráði UÍA

Fundargerð Sundráðs UÍA 13.06.2006.

Sundráð UÍA kom saman í Leiknishúsinu á Fáskrúðsfirði 13.06.06.

 

 

Mætt á fund 13.06.2006. klukkan 18:00 eru:

Gunnar (Austra)

Pálína (Leikni)

Oddrún (leikni)

Ómar(Valur)

Dísa Mjöll (Valur)

Elísabet (Þróttur)

Auður Jóna, þjálfari (Þróttur)

Gísli Sigurðarson (framkvæmdastjóri UÍA)

Fundur settur klukkan 18:30

Fundarstjóri er Gunnar Jónsson, Gísli ritar.

  1. Hlutverk sundráðs.

Gísli kynnti drög að starfsreglum sem Arngrímur viðar hafði, árið 2003, unnið uppúr drögum skíðaráðs frá 1986. Einnig hafði Gísli breytt þeim þeim smávægilega.

Enginn í sundráði kannaðist við að slíkt plagg hefi verið kynnt áður. Hlutverk ráðsins var rætt og stefnt er að því að forma starfsreglur enn frekar og fá skýrari deili á skyldum UÍA gagnvart ráðinu.

  1. Æfingarbúðir á Djúpavogi

Rætt um tímasetningu æfingabúða. Valur hefur ekki tök á að mæta, þeir eiga að sjá um hluta af 17. júní hátíðarhöldum í Fjarðarbyggð. Leiknir hefur fáa iðkendur sem eru eldri en 10 ára og því ólíklegt að fjöldmæting verði frá þeim. Austri mætir með sína iðkendur og eins Þróttur. Einnig ætla þjáfarar frá Þrótti, Leikni og Austra að mæta og þjálfari hjá Val stefnir að því.

  1. Árskipulag sundráðs

Rætt um að skipuleggja sundstarfið innan fjórðungs á árs grundvelli. Rætt um nauðsynþess að fjölga mótum og dreifa þeim jafnt yfir árið. Gunnar veltir upp þeirri hugmynd að sunddeildirnar byrji að vinna allt árið og verði með starf yfir vetrar tíman sem ekkihefur tíðkast hingað til. Ómar telur það líklega erfitt fyrir Val því hann hefur ekki trú á því að sundlaugin á Reyðarfirði verði mikið langlífari. Þá var rætt um hugsanlegt samstarf Austra og Vals og jafnvel sameiningu í einhverju formi. Elísabetu list vel á hugmyndina líkt og öllum nema hún nefnir það að kostnaðarliðir gætu leikið deildirnar grátt. Talað er um að allt starfið verði háð samgöngum. Gíisli stingur upp á tvískptingu aldúrshópa 10 ára og eldri verði í því formi sem verið hefur og eldri krakkarnir vinni allt árið og vinni að afreksstefnu. Rætt umað halda Meistaramót UÍA á veturna í Dymbilviku en allir aðilar voru sammála því að breyta ekki því fyrirkomulagi sem verið hefur hingað til, þeas að MMmót UÍA fari fram að hausti til. Ætlunin er að starf deildana verði óbreytt út sumarið og stefnt að því að forma starfð á árs grundvelli í haust. Gunnar stinger uppá að hver og ein deild taki að sér ákveðin hlutverk. Gunnar og Gísli munu forma hugmynd að hugsanlegum starfsemi á ársgrundvelli og kynna það deildunum þegar fram líða stundir.

4.Afrekshópur UÍA

Rætt um þá sniðugu hugmynd að setja þannig hóp á stofn. Fyrirkomulag lauslega rætt, ákveðið að Gísli setur sig í samband við Inga Þór til að kanna hvernig slíkir hópar starfa annars staða á landinu. Í framhaldinu formar hann og sendir út á sunddeildrnar.

  1. Mótaforrit

Nauðsynlegt er fyrir deildirnar að eiga slíkt forrit. Gunnar hefur kynnt sér slík forrit og fór hann stuttlega yfir hvernig ákveðið forrit virkar en það er forrit sem bæði er fyrir mót og einnig fyrir æfingar(þjálfara). Rætt um að deildirnar kaupi slíkan pakka saman og í sameiningu með UÍA. Gísli bendir á styrktarsjóðin Sprett í þeim efnum og telur líka að UÍA þurfi að endurnýja mótaforrit sín fyrir sunmót. Ómar ætlaði að “kanna” málið.

  1. Annað

Rætt um verðlaunapeninga og verðið á þeim. Aðilar sammála um að verðlaunapeningar eru orðnir of dýrir. Gísli og Pálína benda á KLM sem er gott að skipta við og eru ódýrari en flestir aðrir í þessum bransa.

Fyrirspurn kom frá Elísabetu (Þrótti) til UÍA. Hún vildi vita hvernig málum yrði háttað með tjaldstæði á sumarhátið. Hún talar um að vonlaust sé að vera með born og unglinga á Tjaldstæðinu á Egilsstöðum og biðlar til þess að tjaldstæði verði í Selskógi. Gísli bókar og kemur þessu á framfæri.

Fundi slitið 19:45

Fundargerð ritaði Gísli Sigurðarson, framkvæmdastjóri UÍA

 

Reglur Malarvinnslubikarsins 2006

Reglur Malarvinnslubikarsins 2006.

 

Reglur í Bikarkeppni UÍA og Malarvinnslunnar í knattspyrnu


1. Rétt til þáttöku hafa öll aðildarfélög UÍA. Við skráningu skulu þau skila inn upplýsingum um heimavöll sem er innan sambandssvæðis UÍA. Sé félag þáttakandi í deildarkeppni er því heimilt aðsenda b-lið sitt í mótið. Skráningargjöld skulu greidd fyrir fyrstu umferð.

2. Liðum í Malarvinnslubikarnum er óheimilt að tefla fram leikmönnum úr byrjunarliði í seinustu umferð Íslandsmeistaramóts í meistaraflokki. Í b-liði mega spila aðrir leikmenn félags en þeir sem hófu síðasta deildar/bikarleik með aðalliði félagsins.

3. Leikmenn mega skipta einu sinni um félag á keppnistímabilinu. Félagaskiptin skulu skriflega tilkynnt (eyðublað á www.uia.is) til skrifstofu UÍA og öðlast gildi þegar þau hafa verið staðfest af skrifstofu UÍA.

4. Við skráningu skal hvert félag leggja fram nöfn tveggja dómara (aðal og vara) og fjögurra aðstoðarmanna sem dæma munu í bikarnum. UÍA hefur yfirumsjón með dómaramálum og greiðir laun aðaldómara. Dómarar skulu hafa lokið unglingadómaraprófi KSÍ og aðstoðardómarar náð 16 ára aldri og kunna góð skil á knattspyrnureglunum. Félögin greiða, ef þarf, laun aðstoðardómara.

5. Heimalið skal sjá til þess að leikskýrsla sé útfyllt og eintak af henni sent til skrifstofu UÍA innan 7 daga frá leikdegi.

6. Fjöldi varamanna er ótakmarkaður og innáskiptingar ótakmarkaðar en leikmanni ber að fá leyfi dómara áður en hann kemur inn á leikvöllinn. Fari leikmaður án leyfis inn á leikvöllinn fær hann gult spjald.

7. Leikmanni sem vísað er af leikvelli í Malarvinnslubikarnum skal taka út leikbann í næsta leik.

8. Kærumál eru afgreidd af skrifstofu UÍA og er úrskurður skrifstofunnar endanlegur. Kæra skal hafa borist skrifstofu skriflega eigi síðar en 7 dögum eftir að leikur hefur farið fram (eyðublað á www.uia.is).

9. Mæti félag ekki til leiks á tilsettum leiktíma telst það hafa skráð sig úr Malarvinnslubikarnum.

10. Breyting á leiktíma í Malarvinnslubikarnum er óheimil nema í samráði við skrifstofu UÍA.

11. Brot á reglum Malarvinnslubikarsins varða stigasektum eða brottvísun úr keppni, séu brot ítrekuð eða sérstaklega gróf. Ákvörðun refsinga er í höndum skrifstofu UÍA og er ákvörðun hennar endanleg.

12. Að öðru leyti er stuðst við knattspyrnureglur KSÍ.

Skrifstofa UÍA Egilsstöðum 14. júní 2006
Gunnar Gunnarsson, ritari UÍA
Gísli Sigurðarson, framkvæmdastjóri UÍA

 

Samningur UÍA og KHB rift

Það var sameiginleg ákvörðun UÍA og KHB að rifta samningnum varðandi búninga. Einungis eitt félag notfærði sér samninginn og þótti því ekki vera grundvöllur fyrir frekari samstarfi að svo stöddu. UÍA þakkar KHB samstarfið og vonast til að geta unnið að öðrum verkefnum með KHB í framtíðinni

Leikjaskrá Malarvinnslubikarsins

Leikjadagskrá Malarvinnslubikarsins 2006 er klár. Fyrsta umferð fer fram sunnudaginn 18. júní en gert er ráð fyrir að keppninni ljúki laugardaginn 19. ágúst. Á fundi sem haldin var í kvöld með forsvarsmönnum þeirra liða sem taka þátt að þessu sinni var tekin ákvörðun um að skipta keppninni í tvo riðla.

 

A riðill

B riðill
1.UÍB1.BN’96
2.UMFB2.KE
3.Höttur B3.HRV
4. Þristur4.06. apríl
 5.Dynamó
 6. Súlan

 

1. umferð Sunnudagur 18. júní kl. 20:00
UMFB – Þristur
--
BN’96-Súlan
KE – Dynamó Höfn
HRV-06. apríl

2. umferð sunnudagur 25. júní kl. 20:00
UÍB – UMFB
Þristur – Höttur B
--
BN’96 – KE
Dynamó Höfn – HRV
Súlan – 06. apríl

3. umferð miðvikudagur 28. júní kl. 20:00
Höttur – UÍB
--
HRV – BN’96
06. apríl – Dynamó Höfn
KE – Súlan

4. umferð sunnudagur 2. júlí kl. 20:00
--
KE – HRV
BN’96-06. apríl
Súlan – Dynamó Höfn

5. umferð sunnudagur 9. júlí kl: 20.00
Þristur – UÍB
Höttur – UMFB
--
Dynamó Höfn – BN’96
HRV – Súlan
06. apríl – KE

6. umferð fimmtudagur 13. júlí kl. 20:00

--
Súlan – BN’96
Dynamó Höfn - KE
06. apríl – HRV

7. umferð sunnudagur 16. júlí kl. 20:00
UMFB – UÍB
Höttur B – Þristur
--
KE-BN’96
HRV – Dynamó Höfn
06. apríl – Súlan

8. umferð sunnudagur 23. júlí kl. 20:00
UÍB – Höttur
UMFB - Þristur
--
BN ’96 – HRV
Dynamó Höfn – 06. apríl
Súlan – KE

9. umferð sunnudagur 30. júlí kl. 20:00
UMFB – Höttur B
UÍB - Þristur
--
HRV – KE
06. apríl – BN’96
Dynamó Höfn – Súlan

10. umferð sunnudagur 13. ágúst kl. 20:00
--
BN’96 – Dynamó Höfn
Súlan – HRV
KE – 06. apríl

Undanúrslit: miðvikudaginn 16. ágúst kl. 20:00

A1-B2

B1-A2

Úrslit: laugardaginn 19. ágúst kl. 14:00

 

 

Fundargerð knattspyrnuráðs

Knattspyrnuráð UÍA kom saman til fundar á skrifstofu UÍA 30. maí.

 

Fundur í knattspyrnuráði UÍA 30. maí 2006

Mættir: Egill Þorsteins, Anton Stefáns, Árni Óla, Höskuldur Björgúlfsson, Gunnar og Gísli.

1. Dómaramál
Óánægja kom fram á formannafundi UÍA með dómaramál, félögin að setja unga dómara á barnaleiki. Gísli spurði um stöðu dómaramála hjá félögum.
Egill sagði dómaranámskeið hafa verið haldið í fyrra hjá Huginn sem hefði skilað nokkrum dómurum. Höskuldur sagði Þrótt N. eiga eldri dómara sem hafi dæmt í 3. deild. Anton sagði vandamál hjá Neista, erfitt að fá fólk á línuna, gott væri að fá námskeið. Árni Óla sagði málin ágæt hjá Hetti, reyndir menn og maður á launum – mótastjóri.

2. Foreldrar á hliðarlínu
Heit umræða á formannafundi um að „reyna að hafa hemil“ á foreldrum á hliðarlínu hjá yngri flokkum. Árni sagði félögin reyna að koma foreldrum frá hliðarlínunni og það gengi yfirleitt. Þetta hafi verið vandamál en það sé að lagast.

3. Mót sumarsins og Sumarhátíð
Húsasmiðjumót í 7. flokk 25. júní hjá Hetti, 18., 19. ágúst Ormsteitismót fyrir 5. og 6. flokk.
Hvaða flokkur fær minnst að gera? Kynntar hugmyndir um seinkun sumarhátíðar. Gunnar kynnti forsendur nýrrar dagsetningar sumarhátíðar, ánægja með hugmyndir stjórnar UÍA um 22. og 23. júlí. Árni spurði um 6. flokks mót KSÍ á Austurlandi, spurning um að halda það á Sumarhátíð? Gísli heyrir í Birki hjá KSÍ.

4. Malarvinnslubikarinn
Samþykkt að taka ekki lið utan UÍA í deildina. Rætt um að félögin skaffi dómaratríó sem UÍA raði niður og greiði dómarakostnað. Ef félagið skaffar ekki dómara er það dæmt úr leik. Nauðsynlegt að menn fái eitthvað fyrir sinn snúð þegar þeir greiða þátttökugjald. Félögin eiga líka að skila leikstað.
Rætt um að breyta félagaskiptareglum. Breyta þeim þannig að spili með þeim liði sem þeir byrja með.
Brot á reglum keppninnar varði stigarefsingu og ítrekuð brot brottrekstri.
Rætt um nauðsyn að ítreka skýrsluhald félaga.
Rætt um reglu sjö, að menn fari í eins leiks bann eftir rautt spjald – óþarfi að telja gulu spjöldin.
Afnema fjölda skiptinga. Rætt um 7 manna lið eða 11 manna lið.
Kærumál afgreidd af skrifstofu UÍA og úrskurður endanlegur.
Rætt um að afnema sekt við því þegar lið gefa leiki, mæti lið ekki til leiks telst það hafa sagt sig úr keppni.
Samþykkt að láta leiki fara fram á sunnudagskvöldum.
Bikarkeppni kvenna verður auglýst á sama tíma, stefnt að túrneringum í 7 manna liðum og lið geti sótt um að halda túrneringu.

5. Önnur mál
a) Eiðavöllur: Árni ræddi um samning Hattar og UÍA (Vidda), mál í gangi milli Fljótsdalshéraðs og UÍA. Nauðsynlegt að menn beri virðingu fyrir vellinum. Árni vill að Gísli vísi á Hrein Halldórs vilji menn nota völlinn. Rætt um mikilvægi að hafa mál varðandi völlinn á hreinu.

Fundi slitið 19:05

Gunnar ritaði fundargerð.

 

Fundargerð formannafundar

Formannafundur UÍA var haldinn á Reyðarfirði 11. maí

 

Formannafundur UÍA, Reyðarfirði 11. maí 2006


1. Formaður UÍA, Jóhann Tryggvason, setti fundinn og byrjaði á að kynna starf UÍA að undanförnu. Búið er að úthluta 3 milljó. úr styrktarsjóðnum Spretti. Gerður var búningasamningur við KHB sem ekki hefur gengið nógu vel að uppfylla þar sem einungis eitt félag hefur nýtt sér samninginn. Sumarhátíðin seinasta ár var nokkuð hefðbundin og UÍA hélt Meistaramót Íslands í frjálsum fyrir FRÍ. UÍA hélt gangahlaup í samstarfi við Leikni og Val sem tókst mjög vel og þó hagnaðurinn hafi ekki verið neitt gríðarlegur urðu félögin mjög sýnileg á meðan mótið fór fram. Þing UMFÍ var haldið seinasta haust og ÍSÍ um seinustu mánaðarmót, fulltrúar UÍA sóttu þau þing. Unnið hefur verið að því að endurvekja starfsemi í ráðum og nefndum UÍA. Tvö Snæfell eru komin út frá seinasta þingi og það þriðja á leiðinni í lok maí. Jóhann ræddi um komandi verkefni, Sumarhátíð, Unglingalandsmót á Laugum, farandþjálfun í frjálsum, skil á starfsskýrslum, námskeiðahald með haustinu en langflest námskeið frá 2001 hafa fallið upp vegna ónógrar þátttöku, spennandi tímar í nýjum íþróttamannvirkjum í sveitarfélaginu, vinna í merkjum allra aðilarfélaga UÍA.

2. Fulltrúar félaga kynna og segja frá starfi síns félags

Jóna Petra Magnúsdóttir, form. Súlunnar Stfj., starfsemin þar aldrei verið jafn léleg og í ár, einungis fótboltaæfingar í vetur, í fyrra var leikjanámskeið, frjálsar og körfubolti. Ástæðan er þjálfaraskortur. Fernum safnað í vetur, þokkalegur tekjustofn, mögulega dagblöðum líka, selt ljósaperur og jólapappír og kort, jólabingó. Félagið hefur séð um 17. júní hátíðahöld.

Gunnar Gunnarsson, Þristi. Tvær æfingar á viku yfir vetrartímann, frjálsar og leikir, seinasta sumar frjálsar og fótbolti, lið í Malarvinnslubikarnum. Stutt við skák á Hallormsstað sem hefur gengið vel.

Helga Hrönn Melsteð, form. Hrafnkels Freysgoða, alltaf séð um 17. júní hátíðahöld á Breiðdalsvík, sent krakka á unglingalandsmót en æfingar illa sóttar en aðgengi að þjálfara er ágætt. Sér ekki fram á miklar æfingar í sumar frekar en seinasta sumar. Góðir styrkir frá Breiðdalshrepp, fín aðstaða. Óhefðbundið íþróttamót á Skriðuklaustri sem hluti af Ormsteiti.

Helgi Sigurðsson, form. Hattar, blak, fimleikar, frjálsar, skíðadeild, frjálsar, sund, og knattspyrna. Sunddeildin að byrja aftur, tæplega 30 iðkendur, 1.487 félagar skráðir. Starf í kringum félagið mikið og tímafrekt, endurnýjaður samningur við Fljótsdalshérað þar sem sveitafélagið viðurkennir þjónustuhlutverk félagsins, brenna. Fimleikadeild fyrirmyndarfélag, frjálsíþróttadeild í vinnu. Gengur vel að fá fólk í stjórn.

Pétur Gíslason, Golfklúbbi Fljótsdalshéraðs, seinasta sumar var ráðinn framkvæmdastjóri og þjálfari sem breytti ýmsu, stóð t.d. fyrir vel lukkuðu kvennagolfnámskeiði, barna- og unglingastarf endurvakið, fjöldi félagsmanna tæplega tvöfaldaðist á seinasta ári. Veltan í fyrra um 7 milljó., búið að ráða 6 starfsmenn í vinnu í sumar við golfvöllinn, að auki gerðar ráðstafanir varðandi unglingastarf. Gott samstarf golfklúbba við skipulagningu mótahalds.

Ásta Ásgeirsdóttir, Val Rfj.: Skíðadeild, sunddeild, glímudeild, fótbolti og frjálsar yfir sumarið, mjög vel sótt. Sjá um 17. júní, haldið leikjanámskeið á sumrin, fótboltaæfingar, búið að ráða þjálfara fyrir sumarið, glíman alls staðar, seldir hafa verið Valsgallar og ráðast á í vindgalla í vor, Valur átti fulltrúa á Landsmóti UMFÍ.

Steinn Jónasson, Leikni F.: Byrjaði á að gagnrýna starfsskýrsluvinnu, aðalfundur haldinn á eftir aðalfundi deildar á vorin, því félögin stelast hvort sem er til að vera sein. Samstarf í knattspyrnu með eldri flokka við félög í Fjarðabyggð, nauðsyn á samstarfi í frjálsum, stofnuð blakdeild um daginn, hvetur til aukinnar samvinnu félaga í framtíðinni.

Albert Jensson, form. Neista: Félagið ræður framkv.stjóra til að sjá um starfið. Æfingar á veturna í fótbolta, frjálsum, fimleikum og sundi.

Bergur Hallgrímsson, Freyfaxa, kynslóðaskipti í stjórn, nýtt hesthúsahverfi á Fljótsdalshéraði, æskulýðsstarf aldrei verið öflugra, reiðskóli í fyrsta skipti, reglulegir reiðtúrar, keppa undir UÍA í 3ja skipti í bikarmóti Norðurlands í ár, Ístölt Austurlands, sóttu um styrk til byggingar reiðhallar, áform um að flytja keppnissvæðið frá Stekkhólma í Fossgerði. Fagnar tilkomu Spretts. Gott samstarf Blæs og Freyfaxa.

Vilberg Einarsson, form. Blæs: Mikil fjölgun, 80 félagar í dag, góð þátttaka í mótum og útreiðum. Ýmsir viðburðir, krakkakvöld, myndbandskvöld, unglingadaga, hópreiðar, „skemmtikvöld“ á föstudögum. Félagshús og völlur á Kirkjubólseyrum. Ýmis námskeið og kynningar. Fjölskylduhelgi í fyrra. Ánægður með Sprett. Félagið hefur sótt um styrk fyrir reiðskemmu.

Björgúlfur Halldórsson, form. Þróttar N.: Fjórar deildir, blak, knattspyrna, sund og skíði, sundið dalaði eftir góð ár, blakið á uppleið eftir að hafa misst leikmenn, á ýmsu hefur gengið á skíðunum vegna snjóleysis, gott gengi þó í vetur, knattspyrnan stærsti pósturinn þrátt fyrir aðstæðuleysi sem er að rætast úr. Gott ástand á fjármálum.

Jóna Mekkín, knattspyrnu Austra á Eskifirði. 80-90 iðkendur í knattspyrnunni yfir sumarið, öflug frjálsíþróttadeild fyrir áramót, sunddeild gengur vel. Aðstaða slök. Styrkir frá fyrirtækjum gera félaginu kleift að gefa ungum knattspyrnumönnum peysur, buxur og sokka til að spila á gervigrasinu á sparkvellinum.

Umræður um starfsskýrsluskil og félagakerfið FELIX.

Einnig var rætt um búningasamninginn við KHB.

3. Yfirlit frá gjaldkera og framkvæmdastjóra

Gísli fór yfir fjármál og Sprett. Almenn ánægja með sjóðinn.

5. Skoðunarferð í nýja Fjarðabyggðarhöll

Gunnar ritaði fundargerð.

 

Fundur í sundráði UÍA

Fundargerð Sundráðs UÍA 06.06.2006.

Sundráð UÍA átti að koma saman á skrifstofu UÍA 06.06.06.

 

Þar sem einungis Gunnar Jónsson og Pálína Margeirsdóttir boðaðu komu sína var ákveðið klukkustund fyrir fund að halda símafund á milli þeirra og skrifstofu UÍA þar sem Gísli Sigurðarson er.

Mætt á símafund 06.06.2006. klukkan 17:00 eru:

Gunnar Jónsson (Austra)

Pálína Margeirsdóttir (Leikni)

Gísli Sigurðarson (framkvæmdastjóri UÍA)

Gísli býður þau Gunnar og Pálínu velkomin á símafund. Gunnar og Gísli lýsa yfir óánægju sinni með það hversu fáir sækja fund. Það er áhyggjuefni að aðilar sjái sér ekki fært að mæta á fund með svo löngum fyrirvara hvað þá að svara fundarboði.

Mál rædd

  1. Sumarhátíð UÍA færist til 22-23 júlí. Sundráð gerir ekki beinar athugasemdir við frestun hennar.

  1. Æfingarbúðir á Egilsstöðum 17-18. júní sem búið var að ákveða að halda með þeim Brian Landsliðsþjálfara og Inga Þór virðast vera að detta upp fyrir ! Hattarmenn hafa ekki svarð tölvupósti frá Gunnari. Flestir í stjórn sunddeildar Hattar eru farnir í frí og eru ekki á svæðinu. Einnig hafa viðbrögð hinna deildanna ekki verið á þann veg að margir fengjust í þessar æfingarbúðir. Upp kom sú hugmynd að athuga hvort Neisti hefði áhuga á að taka þetta verkefni að sér. Gunnar ætlar að hafa uppá Alberti formanni Neista og óska eftir því að þeir taki þetta að sér. Einnig ætlar Gunnar að heyra í Brian og kanna hans hug. Gísli ætlar að hafa upp á Laufeyju þjálfara hjá Hetti og kanna hvort sá möguleiki sé fyrir hendi að félagið taki verkefnið að sér.

  1. Sunddagar á Eskifirði tókust vel til. Veðrið var reyndar mjög leiðinlegt en það létu fáir það á sig fá. Miklar og jákvæðar umræður sköpuðust á þessum sunddögum og komu þeir Brian og Ingi þór með margar góðar hugmyndir sem sunddeildirnar hér fyrir austan gætu hent í framkvæmd. Meðal annars sem rætt var að auka fjölda móta til muna og jafnvel að forma mótahald á árs basis þar sem mót yrðu haldin ávalt á sama stað.

  1. Rætt var um fyrirkomulag um mótahald og hugmynd frá Gunnari um að halda fleiri mót en gert hefur verið yfir árið hingað til. Gunnar mæltist til þess að haldin yrðu jóla- og bikarmót.

  1. Rætt var um ársplan sundstarfsins hér fyrir austan og hugmynd frá Gunnari um að forma það nánar. Gísli stingur uppá að gera það á fundi og einnig að raða þá mótum niður á félög.

  1. Rætt var um hlutverk sundráðs og í framhaldi sunddeildana. Það er óljóst hvað það er nákvamlega en Gísli ætlar að koma með þær reglur á næsta fund.

  1. Rætt var um mótaforrit og nauðsyn þess að eiga slíkt hér fyrir austan.

  1. Gunnar lýsti yfir óánægju sinni með samskipti milli sunddeilda hér fyrir austan. Deildirnar svara ekki tölvupóstum þó svo að aðilar frá þeim lesi póstinn. Rætt var um að bæta þurfi þessi mál. Gísli tekur undir þetta og bendir á að það sé lágmarks kurteisi að svara tölvupósti þó svo sé ekki meira.

  1. Þar sem fáir mættu til fundar og þeim störfum ekki lokið sem ætlað var er ákveðið að boða til fundar næstkomandi þriðjudag, 13. júní 2006.. Sá fundur verður haldin á Fáskrúðsfirði klukkan 18:00. Gísli boðar til fundar.

Fundi slitið 17:44

Gísli ritaði fundargerð

 

 

Undirskrift Malarvinnslubikars

Fyrir stundu var undirritað samkomulag milli UÍA og Malarvinnslunnar um að fyrirtækið verði aðalstyrktaraðili bikarkeppni sambandsins í knattspyrnu karla og mun keppnin bera heitið Malarvinnslubikarinn.

 

Malarvinnslan hefur styrkt keppnina undanfarin ár og er komin hefð á nafnið meðal austfirskra áhugaknattspyrnumanna sem líta á keppnina sem einn af vorboðunum. Knattspyrnuráð tók framkvæmd keppninnar fyrir á fundi sínum í vikunni og voru þar samþykktar nokkrar breytingar á reglum keppninnar. Keppnin, ásamt nýju reglunum, verður svo betur kynnt í Snæfelli sem kemur út eftir helgi og á vefnum fljótlega.

Gísli Sigurðarson og Sigurþór Sigurðsson undirrituðu samkomulagið í húsakynnum Malarvinnslunnar. Mynd: Gunnar Gunnarsson

 

Fundargerð frjálsíþróttaráðs 29.5.2006

Frjálsíþróttaráð UÍA kom saman til fundar á skrifstofu UÍA 29. maí.

Fundur í frjálsíþróttaráði UÍA 29.5.2006 klukkan 17:00

Mætt: Gunnar, Gísli, Benný, Natalia, Helga, Jóna Petra.

1. Mót

Natalia minntist á þörfina á að vera með sameiginlegar æfingar og efla félagslega þáttinn hjá austfirsku frjálsíþróttafólki. Hugmynd um að vera með fleiri frjálsíþróttamót sem dreifast á milli staða. Spurning hvort hópnum eigi að skipta eftir greinum eða aldri. Mótin fari fram á fimmtudagskvöldum -> Fimmtudagleikar. Spurning með liða/heildarstigakeppni til að draga menn á milli staða, viðurkenningar fyrir einstaklinga sem mæta á öll mót.

Gísla falið að forma mótið.

2. Gautaborgarleikar

Ætlunin er að fara með níu krakka og fararstjóra frá UÍA á Gautaborgarleikana sem fram fara 5. – 12. júlí. Safna þarf styrkjum fyrir verkefnið. Natalia ætlar að halda utan um hópinn sem kemur vikulega saman, fyrsta æfing á laugardag.

3. Farandþjálfun

Gísli ætlar að móta æfingarnar og senda póst á öll félög sem fyrst svo hægt verði að koma þjálfuninni af stað. Nauðsynlegt að heimamaður aðstoði Gísla á hverjum stað með æfingar.

4. Sumarhátíð

Jóna Petra minntist á nauðsyn á úrbótum í starfsmannamálum sem bendir enn frekar á nauðsyn þess að halda dómaranámskeið í frjálsum á Austurlandi. Einnig skiptir máli að Gautaborgarleikar rekist ekki á við Sumarhátíð í framtíðinni. Vilji til að bjóða nágrönnunum, UFA og USÚ. Jóna Petra minntist á stefnu íþróttaforystunnar með að stærri félög hjálpi minni félögum. Gísli heyrir í Fríðu Rún.

Spurning um að skoða keppnisgreinar eldri keppenda, mögulega bjóða upp á þríþraut. Hugmynd um þrekraunakeppnina Orkuboltann. Nauðsyn að finna einhver leiktæki fyrir yngri börn og skemmtiatriði fyrir keppendur.

5. Unglingalandsmót

Fer fram á Laugum um verslunarmannahelgina. UÍA hvetur fólk og foreldra að mæta á mótið. Möguleiki á að hjálpa þeim áhugasömustu til þjálfunar fyrir landsmótið og mynda tengingu milli frjálsíþróttakeppenda og annarra keppenda UÍA eins og í skák og golfi. Það vantar líka lítið tjald fyrir UÍA á mótsstað.

6. Búningamál

Jóna Petra sagði nauðsyn að endurnýja frjálsíþróttabúninga UÍA. Þeir eru of fáir og margir ekki í réttri stærð.

7. Íslandsmót

Natalia sagði vanta mót til úrtöku fyrir Íslandsmeistaramót.

8. Næsti fundur

Gísla falið að boða næsta fund í lok júní.

Fundargerð ritaði Gunnar.

Fundi slitið 18:18

 

Staðsetning og opnunartími

Skrifstofa UÍA er staðsett að Tjarnarási 6 á Egilsstöðum gegnt Flytjanda.

Almennur opnunartími skrifstofu er frá kl. 9:00-15:00 alla virka daga.

Framkvæmdastjóri er Gunnar Gunnarsson.
Netfang: uia@uia.is og sími 471-1353.

Kennitala UÍA er: 660269-4369.

Landssambönd

ÍSÍ
UMFÍ

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.
Ok