Bjarmi í úrvalshópi FRÍ
Bjarmi Hreinsson, sextán ára frjálsíþróttamaður úr Hetti, hefur verið valinn til æfinga með úrvalshóp FRÍ. Alls mæta 109 unglingar á aldrinum 15-22 af öllum aldri til æfinga.
Skoðunarmenn reikninga
Eftirtaldir voru kjörnir skoðunarmenn reikninga á 59. sambandsþingi UÍA.
Aðalskoðunarmenn:
Sigurbjörg Hjaltadóttir, Reyðarfirði
Sigurjón Bjarnson, Egilsstöðum
Varaskoðunarmenn:
Gunnar Jónsson, Eskifirði
Margrét Vera Knútsdóttir, Seyðisfirði
Jólamót Hattar og Hitaveitunnar
Nú er orðið ljóst í hvaða greinum verður keppt á Jólamóti frjálsíþróttadeildar Hattar og Hitaveitunnar.
Mótið verður laugardaginn 2. des og hefst kl.13.00
Keppt verður í eftirtöldum greinum.
Sprettur, langstökk án atrennu og boltakast.
11 til 12 ára.
Sprettur, langstökk án atrennu, hástökk, kúla
og 300m hlaup.
13 til 14 ára.
Sprettur, langstökk án atrennu, hástökk, kúla,
600m hlaup og þrístökk án atrennu.
15 ára og eldri.
Sprettur, langstökk án atrennu, hástökk, kúla,
600m hlaup og þrístökk án atrennu.
Skráning fer fram á staðnum og er ekkert þáttökugjald.
Nánari upplýsingar eru í síma 6603066.
Mótið er opið fyrir alla sem áhuga hafa og
fá allir keppendur verðlaun og glaðning.
10 ára og yngri.
Þingi frestað
UÍA þingi, sem vera átti á Seyðisfirði 4. apríl, hefur verið frestað um óákveðinn tíma af óviðráðanlegum orsökum. Ný dagsetning verður staðfest á allra næstu dögum.Fyrsta umferð Malarvinnslubikarsins lokið
Þá er fyrstu umferð Malarvinnslubikarsins lokið að undanskildum leik Hattar og Einherja.
Einhver flensa herjar á Vopnfirðinga þessa dagana og eiga þeir því erfitt með að manna sitt lið. Höttur hefur samþykkt að fresta leik þeirra sem átti að vera í fyrstu umferð um óákveðin tíma. En óhætt er að segja að menn séu á skotskónum því hvorki fleiri né færri en 27 mörk hafa litið dagsins ljós í fjórum leikjum. Ef fólk hefur áhuga á að sjá skemmtun og mörg mörk er tilvalið að fara á völlinn og sjá aðra umferð Malarvinnslubikarsins sem verður leikin á sunnudag og mánudag.
Önnur umferð:
A-riðill
Dags Tími Leikur Völlur
06/25/2006 20:00 Þristur - Höttur B Eiðavöllur
06/25/2006 16:00 UÍB - UMFB Þórshafnarvöllur
B-riðill
Dags Tími Leikur Völlur
06/25/2006 20:00 BN96 - KE Neskaupsstað
06/25/2006 20:00 Súlan - 06. apríl Stöðvarfjarðarvelli
06/26/2006 20:00 Dýnamó - HRV FC Mánavöllur, Höfn
Tap á Seyðisfirði
Huginn tók á móti Leikni Reykjavík á Seyðisfjarðarvelli í blíðskaparveðri í gærkvöld. Leiknismönnum er spáð sigri í deildinni og voru efstir fyrir leikinn. Huginn var í 6. sæti.
Leiknir komst yfir á 38. mínútu leiksins þegar Helgi Pétur Jóhannsson skallaði boltann í mark Hugins eftir fyrirgjöf. Huginn sótti stíft og átti nokkur góð marktækifæri en allt kom fyrir ekki. Í upphafi seinni hálfleiks kom Tómas Mikael Reynisson Leiknismönnum í 2-0 og Huginn átti erfitt verk fyrir höndum. Eftir að hafa verið mun betri aðilinn kom loks mark á 63. mínútu og var það Andri Sveinsson sem skoraði af markteig. Eftir þetta sóttu Huginsmenn af krafti en báru ekki heppnina með sér og lokastaðan 2-1, óverðskuldað.
Unglingalandsmót 2009 á Sauðárkróki
Á fundi sínum á mánudaginn ákvað stjórn UMFÍ að fela UMSS að halda Unglingalandsmót 2009.
Dregið í Malarvinnslubikarnum
Það skráðu sig 11 lið til keppni í Malarvinnslubikarnum að þessu sinni og hafa aldrei verið fleiri.
Það er ljóst að fótboltaáhugamönnum hefur fjölgað frá því í fyrra eða þeir vaknað af dvala, en það má geta þess að HM í knattspyrnu er um þessar mundir og því kannski einhverjir sem fá fiðring í tærnar. Það eru þrjú ný lið sem hafa tilkynnt þátttöku sína þetta sumarið en það eru HRVfc, 06apríl og hið fornfræga lið Súlunnar. Fundur verður haldin með forsvarsmönnum félaganna í kvöld á skrifstofu UÍA og hefst hann klukkan 20:00. Stefnt er á að fyrsta umferð í Malarvinnslubikarnum verði á sunnudag.
Í kvöld var dregið í Malarvinnslubikarnum í knattspyrnu og eru númer liðanna sem hér segir.
A riðill
1. UÍB
2. UMFB
3. Höttur B
4. Einherji
5. Þristur
B riðill
1. BN’96
2. KE
3. HRV
4. 06. apríl
5. Dynamó Höfn
6. Súlan
Leikið í 3. deild í gærkvöld
Neisti og Höttur léku á Djúpavogsvelli í gærkvöld við fín vallarskilyrði. Höttur eru nú búnir að fá til sín tvo makedóníumenn og mæta með sterkt lið til leiks. Samt sem áður lentu þeir í töluverðum vandræðum með lið Neista.
Hallur Ásgeirsson skoraði fyrir Neista strax í upphafi leiks eftir sofanda hátt í vörn Hattar. Þá fóru Hattar menn að sækja í sig veðrið og það var sóknarmaðurinn ungi og efnilegi Högni Helgason sem skoraði með fallegu skoti af 25 metra færi. Í seinni hálfleik kom Gorazd Mihailov Hattarmönnum yfir og það var svo Aðalsteinn Ingi Magnússon sem sló síðasta smiðshöggið á góðan sigur Hattar. 3-1 sigur Hattar staðreynd og þeir eru nú efstir í riðlinum með 9 stig. Neisti er í 5. sæti með 3 stig.
