Sjóðir sem opnir eru til umsóknar þessa dagana.

Hér kemur ofurlítill listi, ekki tæmandi þó, um sjóði sem opnir eru til umsóknar þessa dagana.

Sprettur Afrekssjóður UÍA og Alcoa. Hægt að sækja um ferns konar styrk; Afreksstyrki (fyrir 18 ára og yngri), iðkendastyrki (fyrir 18 ára og yngri), þjáflarstyrki og félagastyrki. Opið fyrir umsóknir til 15. október og allar nánari upplýsingar hér http://www.uia.is/verkefnin/sprettur.

Afreks- og fræðslusjóður UÍA. Þrenns konar styrkir eru veittir úr sjóðunum; styrkir fyrir afreksfólk sem skarar framúr í sinni íþróttagrein, styrkir til æfinga- og keppnisferða fyrir iðkendur sem sýna stórstígar framfarir og þjálfunar- og fræðslustyrkir til félaga eða sérgreinaráða UÍA. Ólíkt Spretti er Afreks- og fræðslusjóður opinn allt árið um kring og er sjóðurinn ekki hvað síst ætlaður þeim íþrótta- og afreksmönnum sem komnir eru yfir 18 ára og því ekki gjaldgengir í Sprett. Nánari upplýsingar http://www.uia.is/um-uia/reglugerd-um-afreks-og-fraedslusjod

Fræðslu- og verkefnasjóður UMFÍ, Tilgangur sjóðsins er að styrkja félags- og íþróttastarf ungmennafélagshreyfingarinnar m.a með því að auka menntun og þekkingu félaga innan hreyfingarinnar á íþróttagreinum, þjálfun, í félagsmálum og félagsstarfi. Opið fyrir umsóknir til 1. október, og umsóknareyðublöð og nánari upplýsingar má sjá http://www.umfi.is/sjodir

Íþróttasjóður, við styrkveitingar er einkum horft til verkefna sem miða að því að bæta aðstöðu ti íþróttaiðkunnar, útbreiðslu- og fræðsluverkefna og íþróttarannsókna. Opið fyrir umsóknir til 2. október og allar nánari upplýsingar: https://www.rannis.is/sjodir/aesku-ithrotta/ithrottasjodur/

Æskulýðssjóður, sjóðurinn tekur til verkefna sem eru fyrir börn og ungmenni 6-25 ára og eru til þess fallin að auka möguleika æskulýðsfélaga (þ.m.t. ungmenna- og íþróttafélög) til að bjóða uppá fjölbreyttari starfsemi. Opið fyrir umsóknir til 16. október og allar nánari upplýsingar má sjá: https://www.rannis.is/sjodir/aesku-ithrotta/aeskulydssjodur/

Alcoa Fjarðaál auglýsir eftir umsóknum um samfélagsstyrki
Tvisvar sinnum á ári, að vori og að hausti afhendir Alcoa Fjarðaál styrki til ýmiss konar samfélagsverkefna á Austurlandi. Umsóknarfrestur um styrk í haustúthlutun rennur út þann 1. október nk.
Framtíðarhagsmunir Alcoa Fjarðaáls og samfélagsins fara saman. Alcoa leggur sitt af mörkum á hverju ári til að stuðla að framgangi góðra mála á Austurlandi í eftirfarandi flokkum:
Umhverfi og náttúruvernd
Öryggi og heilsa
Menntun og þjálfun
Menning, tómstundir og félagsstörf
Vinsamlegast skoðið síðuhttp://www.alcoa.com/iceland/ic/community/default.asp um samfélagsstyrki til þess að hlaða niður umsóknareyðublaði. Athugið að af sérstökum ástæðum hefur umsóknarfrestur nú verið framlengdur til 1. október, þótt annar skiladagur sé tilgreindur á síðunni.

Að auki er rétt að benda á að í gegnum skrifstofu Evrópu unga fólksins má sækja um ýmsiskonar Erasmus + styrki til ungmennaskiptaverkefna, EVS sjálfboðaliðaverkefna, þjálfunar aðila í æskulýðsstarfi, stefnumiðaðra samstarfsverkefna, frumkvæði ungs fólks og fundir ungs fólks og ráðamanna. Þar má einnig finna ýmis konar námskeið, sem haldin eru víðsvegar um Evrópu og taka á hinum ýmsu þáttum sem nýtast ungu fólki eða fólki sem starfar innan æskulýðsgeirans. Allar nánari upplýsingarhttp://www.euf.is/
Við minnum á að það borgar sig að kynna sér vel reglur þeirra sjóða sem sækja á um í og vanda til verka við gerð umsóknar, það stóreykur líkurnar á að styrkur fáist. Gangi ykkur vel.

Sumarlokun skrifstofu

Skrifstofa UÍA er lokuð til mánudagsins 4. september vegna sumarleyfa starfsfólks. Tölvupósti er svarað eftir föngum. Ef erindið er brýnt má hafa samband við Gunnar Gunnarsson, formann, í síma 848-1981.

 

Skráning sjálfboðaliða á Unglingalandsmót UMFÍ 2017

Skráning sjálfboðaliða er hafin fyrir Unglingalandsmót UMFÍ sem haldið verður næstkomandi verslunarmannahelgi á Egilsstöðum. Unglingalandsmótið er verkefni okkar austfirðinga og er glæsileg upplyfting fyrir íþróttastarfið á fjórðungnum. 

Það er mikilvægt að við tökum höndum saman og hjálpumst að við að gera mótið sem glæsilegast og vera góðir mótshaldarar. Þetta er okkar tækifæri til að sýna hvað í okkur býr. 

Lesa meira

Sprettur - Afrekssjóður UÍA og Alcoa

Umsóknarfrestur í haustúthlutun úr

styrktarsjóðnum Spretti rennur út

15. október.

Allar nánari upplýsingar og

umsóknareyðublað má finna á

http://www.uia.is/verkefnin/sprettur/senda-inn-umsokn

www.uia.is / This email address is being protected from spambots. You need JavaScript enabled to view it. / 471-1353.

Viltu læra að nota þögnina?

UÍA, í samvinnu við ungversku ungmennasamtökin GYIÖT, býður upp á þrjú sæti fyrir áhugasama á námskeiðið Sounds of Silence í Ungverjalandi í byrjun október.

Lesa meira

Landsmót UMFÍ 50+ í Neskaupstað 2019

Landsmót UMFÍ 50+ verður haldið í Neskaupstað árið 2019.

Haukur Valtýsson, formaður UMFÍ sagði frá því við setningu mótsins hvar næstu landsmót UMFÍ fyrir fólk yfir miðjum aldri verði haldin. Á næsta ári verður mótið haldið á Sauðárkróki og verður haldið samhliða Landsmóti UMFÍ sem margir þekkja. Landsmót UMFÍ á Sauðárkróki verður haldið 13-15. júlí. Það verður með breyttu sniði og fleira í boði en áður hefur þekkst á landsmótum. Landsmót UMFÍ 50+ verður haldið í Neskaupstað sumarið 2019 en í Borganesi 2020.

Landsmót UMFÍ 50+ lauk í gær í Hveragerði og voru skráðir tæplega 600 þátttakendur. Mótið fór vel fram og dagskráin var hin glæsilegasta. 

Leiknir varði Launaflsbikarinn

Leiknir Fáskrúðsfirði fór með sigur af hólmi í bikarkeppni UÍA og Launafls, annað árið í röð en liðið lagði Einherja í úrslitaleik í síðustu viku 4-1.

Lesa meira

Skráning hafin á Unglingalandsmót 2017

Skráning á Unglingalandsmót 2017 sem haldið verður á Egilsstöðum er hafin.Mótið er fyrir 11-18 ára og hver keppandi greiðir einungis eitt þátttökugjald og hægt er að skrá sig í eins margar greinar og viðkomandi hefur áhuga á. Mótið hefst 3. ágúst með keppni í golfi og verður því slitið sunnudaginn 6. ágúst. Gert er ráð fyrir miklum fjölda á Egilsstöðum yfir mótshelgina, jafnvel allt upp i 10.000 manns. 

Lesa meira

Dagskrá Sumarhátíðar UÍA og Síldarvinnslunar 2017

SUMARHÁTÍÐ UÍA OG SÍLDARVINNSLUNNAR 7.-9. JÚLÍ

Sumarhátíð UÍA og Sildarvinnslunnar fer að vanda fram á Egilsstöðum aðra helgina í júlí. Dagskrá hátíðarinnar er einkar fjölbreytt og glæsileg og alveg ljóst að íþróttafólk á öllum aldri, og jafnvel örgustu antisportistar ættu að geta fundið eitthvað við sitt hæfi. Opnað hefur verið fyrir skráningar og við hvetjum Austfirðinga sem og gesti fjórðungsins til að taka duglega þátt í þessu ævintýri með okkur. Þökkum þeim fjölmörgu fyrirtækjum sem hafa lagt okkur lið.

Lesa meira

Staðsetning og opnunartími

Skrifstofa UÍA er staðsett að Tjarnarási 6 á Egilsstöðum gegnt Flytjanda.

Almennur opnunartími skrifstofu er frá kl. 9:00-15:00 alla virka daga.

Framkvæmdastjóri er Ester S. Sigurðardóttir.
Netfang: uia@uia.is og sími 471-1353.

Kennitala UÍA er: 660269-4369.

Landssambönd

ÍSÍ
UMFÍ