Keppendur frá UÍA unnu til fjölda verðlauna á Sumarleikum HSÞ sem fram fóru um helgina. Einn keppandi komst með árangri sínum í úrvalshóp FRÍ.
Þrír keppendur frá UÍA kepptu á leikunum, þeir Brynjar Gauti Snorrason, Atli Pálmar Snorrason og Bjarmi Hreinsson, allir frá Egilsstöðum.
Brynjar, sem keppti í flokki sveina 15-16 ára, vann til gullverðlauna í spjótkasti og 1500 metra hlaupi, silfurverðlauna í kúluvarpi og bronsverðlauna í kringlukasti og 800 metra hlaupi.
Bjarmi, sem einnig keppti í sveinaflokki, sigraði í bæði kúluvarpi og sleggjukasti. Hann kastaði sleggjunni 44,48 metra og komst með því inn í úrvalshóp FRÍ í greininni.
Við hjá UÍA erum stolt af árangri drengjanna og búumst við miklu af þeim í framtíðinni.
<p><em>Uppfærð staða í Malarvinnslubikarnum og leikskýrslur þær sem hafa borist verða birtar á heimasíðunni á morgun.</em></p>
<p>Þetta hefur tafist hjá skrifstofunni sökum anna, tilrauna til að koma upp sérstöku tölvukerfi til að halda utan um deildina og kærumála sem ekki höfðu verið til lykta leidd.</p><p>Líklega tekst ekki að koma tölvukerfinu í gagnið og þetta verður því fært inn handvirkt hér á síðuna. Ég minni félögin eindregið á að skila rétt útfylltum skýrslum til skrifstofu svo fljótt sem verða má.</p><p>Vonandi eru byrjunarörðugleikar í mótinu að baki og hægt að halda áfram að skemmta sér við að spila fótbolta.</p>
<p><em>Tveimur af þremur leikjum í þriðju umferð Malarvinnslubikarsins er nú lokið.</em></p>
<p>Á sunnudag hituðu heimamenn í BN ´96 upp fyrir úrslitaleik EM í knattspyrnu með því að taka á móti UMFB. Fóru leikar svo að heimamenn báru sigur úr býtum 3-1.</p><p>Á mánudag tóku Þristarmenn á móti KR á Fellavelli. Var gestrisni heimamanna óþarflega mikil og hlutu þeir nokkurn skell. Lokatölur urðu 1-6.</p><p>Leik 06. apríl og Dynamó Höfn var frestað og mun hann fara fram í vikunni.</p>
<p><em>Heil umferð var leikin í Malarvinnslubikarnum á sunnudag. Keppnin er æsispennandi.</em></p>
<p>Á Fellavelli tóku Þristarmenn á móti langt að komnum liðsmönnum Dýnamó. Gestrisnin var ekki í hávegum höfð og höfðu heimamenn sigur 3-1.</p><p>UMFB lék sinn fyrsta heimaleik á tímabilinu, enda nú búið að heyja heimavöll þeirra. Höfðu þeir baráttusigur gegn 06. apríl 3-2.</p><p>Í Fjarðabyggðarhöllinni léku heimamenn í KR gegn grönnum sínum í BN ´96. Norðfirðingarnir gerðu góða ferð þangað og unnu stórsigur 2-5.</p><p>Malarvinnslubikarinn er æsispennandi í ár. Stöðuna í deildinni má sjá með því að smella á hlekkinn Malarvinnslubikarinn 2008 hér vinstra megin á síðunni.</p>
<p><em>Heil umferð var leikin í Malarvinnslubikarnum í gær. Nokkur óvænt úrslit litu dagsins ljós.</em></p>
<p>Í Fjarðabyggðarhöllinni tók KR á móti UMFB. Fóru leikar svo að gestirnir höfðu sigur, 2-4. Skúli Andrésson skoraði þrennu fyrir gestina og hefur nú skorað fimm mörk í tveimur leikjum fyrir Borgfirðinga.</p><p>Á Fellavelli áttust við lið Þristar og 06. apríl. Þar höfðu heimamenn 3-2 sigur.</p><p>Í Hornafirði tóku heimamenn í Dýnamó á móti BN ´96 og höfðu 3-2 sigur.</p><p>Staðan í keppninni verður birt á vefnum á morgun.</p>
Framkvæmdastjóri og ritari UÍA, ásamt öflugum hjálparkokkum, eru að gera víðreist þessa dagana að hengja upp auglýsingar vegna viðburða í sumar.
Annars vegar er verið að auglýsa Frjálsíþróttaskóla UMFÍ sem fram fer samtímis á sex stöðum á landinu dagana 7. til 11. júlí og er fyrir börn og unglinga á alrinum 11 til 18 ára. UÍA ásamt frjálsíþróttadeild Hattar eru framkvæmdaaðilar skólans sem haldinn verður á Egilsstöðum. Reiknað er með því að þátttakendur gisti saman þá daga sem skólinn fer fram og verður boðið upp á margvíslega afþreyingu auk æfinga í frjálsum íþróttum. Þátttökugjald er 15.000 krónur og innifalið í því er fæði, gisting og æfingagjöld. Áhugasamir geta haft samband við UMFÍ í síma 568-2929 eða UÍA í síma 471-1353.
Hins vegar er verið að auglýsa Unglingalandsmót sem fer fram í Þorlákshöfn um verslunarmannahelgina. Að vanda verður þar um frábæra vímulausa skemmtun að ræða. UÍA stefnir að því að senda vaska sveit keppenda og foreldra á staðinn og hvetur alla til þess að mæta. Þeir sem einu sinni hafa farið á landsmót vilja alltaf fara aftur. Nánari upplýsingar um unglingalandsmót er að finna á heimasíðunni www.ulm.is.
UÍA heldur þessa dagana á Egilsstöðum einn af Frjálsíþróttaskólum UMFÍ. Þar eru saman komnir 15 krakkar alls staðar af á landinu við æfingar á hinum ýmsu greinum frjálsra íþrótta.
Hópurinn unir sér vel undir leiðsögn Ólafs Björnssonar yfirþjálfara en hann heldur utan um hópinn á æfingum og í hinum ýmsu viðburðum. Á dagskránni auk frjálsíþróttaæfinga eru gönguferðir, leikir, spil, pool, borðtennis, sund, óvissferð og ýmislegt fleira.
Á æfingunum er farið yfir allar helstu greinar frjálsra íþrótta, krakkarnir frædd um grundvallaratriði að baki árangri í greinunum og tæknin kennd. Á síðari æfingu dagsins í dag fengum við góða gesti. Það voru þeir Einar Hróbjartur Jónsson spjótkastari og Hreinn Halldórsson, fyrrverandi Evrópumeistari í kúluvarpi. Kenndu þeir krökkunum tökin á kastgreinunum. Hér fyrir neðan má sjá myndir af því.
Skólanum lýkur á föstudagsmorgun með frjálsíþróttamóti þar sem krakkarnir keppa í sínum eftirlætisgreinum. Áhugasamir eru hvattir til að kíkja við á Vilhjálmsvelli og sjá hvernig þeim tekst til.
Nýr formaður var kjörinn á aðalfundi Hugins á Seyðisfirði sem fram fór á mánudag.
Jóhann Hansson sem verið hefur formaður félagsins um áraraðir og setið í stjórn félagsins í 37 ár, lét af störfum og er óhætt að segja að um sé að ræða tímamót hjá félaginu. Jóhann sat að auki í stjórn UÍA í 13 ár og eru honum þökkuð kærlega mikil og góð störf í þágu ungmennafélagshreyfingarinnar.
Margrét Vera Knútsdóttir var kjörin nýr formaður Hugins en auk hennar var kjörin ný aðalstjórn.
UÍA óskar nýrri stjórn og formanni velfarnaðar í störfum sínum og vonast eftir ánægjulegu samstarfi.
<p style="font-style: italic;">Tveir leikir fóru fram í annarri umferð Malarvinnslubikarsins í gær.</p>
<p>Í Neskaupstað bar lið BN ´96 sigurorð af liði Þristar, 5-3. Markvörður heimamanna fékk að líta rauða spjaldið en náðu þeir eigi að síður að innbyrða sigurinn.</p><p><br />Á Reyðarfirði tók lið KR á móti 06. apríl og fóru leikar svo að gestirnir höfðu sigur 1-2.</p><p><br />Leik Dynamó Höfn og UMFB sem átti að fara fram á Höfn var frestað.<br /></p>