Góður árangur á MÍ

Skrifað af Ritstjórn þann 18. ágúst 2008.

Keppendur frá UÍA nældu í tvö gull og þrjú brons á MÍ 11-14 ára sem fram fór á Laugum um helgina.

Daði Fannar Sverrisson sigraði í spjótkasti í flokki 12 ára stráka með kasti upp á 36,62 metra. Hann nældi sér einnig í bronsverðlaun í kúluvarpi.

Heiðdís Sigurjónsdóttir náði gullverðlaunum í langstökki 12 ára stelpna er hún stökk 4,95 metra. Að auki náði Heiðdís bronsverðlaunum í hástökki og 800 metra hlaupi.

Sannarlega frábær árangur.