Dómaranámskeið í körfuknattleik

Skrifað af Ritstjórn þann 10. maí 2011.

UÍA í samstarfi við Unglingalandsmótsnefnd og KKÍ stendur fyrir dómaranámskeiði í körfuknattleik, sem fer fram á Brúarási laugardaginn 14. maí næstkomandi og hefst kl 11. Kennari á námskeiðinu verður Guðni Eiríkur Guðmundsson frá KKÍ. Námskeiðið er öllum opið og er m.a. hugsað til að auðvelda framkvæmd ULM í sumar, Bólholtsbikarsins næsta vetur og almennt styrkja mótahald og æfingar í körfuknattleik á Austurlandi. Námskeiðið er þátttakendum að kostnaðarlausu og veitir réttindi sem körfuknattleiksdómari.
Skráningar fara fram á skrifstofu UÍA í síma 4711353 eða á netfangið This email address is being protected from spambots. You need JavaScript enabled to view it..