Malarvinnslubikarinn hálfnaður

Skrifað af Ritstjórn þann 11. júlí 2006.

Um síðustu helgi og nú í vikunni klárast fyrri umferð Malarvinnslubikarsins.

Í B-riðli er búið að spila 5 leiki og allt í járnum og virðist vera sem svo að allir geti unnið alla.  HRV-FC eru þó á toppi riðilsins með níu stig og eiga leik til góða.  Í A-riðli er keppni að fara af stað aftur í kvöld eftir að sá riðill fór í uppnám eftir úrsögn Einherja úr keppninni, en leikur Hattar og UMFB verður spilaður á Eiðum í kvöld.  Með sigri Hattarmanna í kvöld koma þeir sér í vænlega stöðu á toppnum, en þeir tróna þar nú með 6 stig, en sigri UMFB taka þeir toppsætið af Hattarmönnum.  Það er ljóst að framundan er mikil spenna í báðum riðlum og allt lagt í sölurnar til að komast í úrslitakeppni Malarvinnslubikarsins.  Stöðuna í riðlunum má finna hér á síðunni.