Mótaskrá frjálsíþróttaráðs UÍA
Frjálsíþróttasumarið er hafið og áttu keppendur að austan góða ferð á Sumarleika HSÞ nú um helgina. Það verður einnig nóg um að vera í mótahaldi hér eystra í sumar.
Mótaskrá Frjálsíþróttaráðs má sjá hér og þar kennir ýmissa grasa.
Mótaröð UÍA og HEF verður á sínum stað og fyrsta mótið af þremur verður nú á miðvikudagskvöld.
Keppni hefst kl 18:00 á Vilhjálmsvelli. Mótin í sumar verða þrjú og keppt í fjórum greinum á hverju þeirra. Stig eru veitt fyrir árangur í hverri grein, sex stig eru veitt fyrir 1. sæti, 5 stig fyrir annað sæti og þannig koll af kolli. Keppt er í flokkum stúlkna og pilta 11 ára, 12-13 ára, 14-15 ára og 16 ára og eldri. Stigahæstu einstaklingarnir í hverju flokki í sumar fá verðlaun í lokin.
Í mótinu á miðvikudag verður keppt í kúluvarpi, spjótkasti, þrístökki og 400 m hlaupi.
Annað mótið verður 22. júlí og keppnisgreinar verða kringla, hástökk, 1500 m hlaup og 60/80/100 m hlaup.
Þriðja og síðasta mótið verður 19. ágúst þar sem keppt verður í sleggjukasti, langstökki, 60/80/100/110 m grindahlaupi og 800 m hlaupi.
Einnig er vert að benda á leifrandi fjöruga Spretts Sporlangaleika 18. ágúst, samæfingar og svo auðvitað hina einu sönnu Sumarhátíð.