Bólholtsbikarinn 2016-17 kominn í gang

Skrifað af Hildur Bergsdóttir þann 18. nóvember 2016.

Keppni er hafin í Bólholtsbikarnum, utandeildarkeppni UÍA í körfuknattleik. Þetta er í fimmta skipti sem keppnin er haldin og ánægjulegt er að sjá að sex lið eru skráð til leiks í ár en þau eru; Austri, Egilsstaðanautin, Höfn (heimavöllur á Djúpavogi), Höttur hvítt og Höttur svart og Sérdeildin.

Leiknar verða 10 umferðir og spilað heima og heiman. Bólholtsbikarnum lýkur með Úrslitahátíð sem fer fram í íþróttahúsinu á Egilsstöðum 22. apríl, þá verður spennandi að sjá hverjir hampa bikarnum góða, en unglingalið Hattar eru ríkjandi meistarar.